6 ka barangay sa Danao gideklarar nga drug-free

UNOM ka mga barangay sa dakbayan sa Danao ang nadugang sa listahan sa mga gideklarar na sa Philippine Drug Enforcement Agency (PDEA-7) nga drug cleared o gawasnon na sa presensya sa ilegal nga drugas.

Sa kinatibuk-an, ang dakbayan aduna nay 12 ka drug free barangays .

Kini maoy gipahibalo sa kagamhanan sa Danao.

Tungod niini, gipasidunggan ni Danao City Mayor Nito Durano ang mga barangay og tag P50,000 nga cash incentive ang Barangay Dungga, Nangka, Licos, Cambubho, Baliang ug Quisol.

Ang PDEA mao ang lead agency sa Oversight Committee nga responsable sa pagdeklaras nga drug-cleared ang usa ka barangay basi sa makuti nga auditing process sa Anti-Drug Abuse Council National Audit Team inubanan sa Department of Interior and Local Government (DILG) 7, Police Regional Office (PRO) 7, ug DOH-7.

Matud sa Dangerous Drugs Board (DDB), matawag ang barangay nga 'drug cleared' kung gipaubos na kini sa subsob nga drug-clearing operation.

Tanang barangay sa matag local government unit (LGU) adunay Barangay Anti-Drug Abuse Council (Badac) pinasikad sa Board Regulation No. 3 sa DDB niadtong 2017.

Ang Badac maoy moabag sa law enforcement agencies sa g drug-clearing operations.

Nanawagan si Durano sa mga pangulo sa barangay nga hingusgan pa ang ilang kampanya batok sa ilegal nga drugas. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph