WALA makaabot og 10 ka kaso sa coronavirus disease (Covid-19) sa Cagayan de Oro human walo ra ka mga residente ang mipositibo sa virus, sumala sa report sa City Health Office sa dakbayan.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,860.
Sumala ni City Health Officer Dr. Lorraine Nery, sa walo ka mga bag-ong lokal nga kaso, usa ang local case with link, duha ang mga lokal nga authorized persons outside residence (Apors), upat ang mga local index nga mga kaso, ug usa ang patay.
Sa 3,860 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,438 ang mga local transmissions.
Matud ni Nery, sa 3,438 nga mga local nga kaso, 186 ang mga persons deprived of liberty (PDLs), 1,831 ang mga local index cases, ug 1,419 ang mga local cases with link.
Ang Cagayan de Oro adunay 156 ka mga active cases, 56 niini na-admit sa Northern Mindanao Medical Center (NMMC) ug uban pang mga ospital sa syudad ug 100 ang mga outpatients.
Nakatala usab og 17 ka mga coronavirus-positive nga mga pasyente. Anaa na karon sa 3,520 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,099 ang mga lokal nga kaso (community: 2,631; Apors: 468).
Ang recovery rate sa Cagayan de Oro anaa na sa 91.19 percent.
Ang ihap sa mga namatay sa Covid-19 sa syudad naa sa 184.