So opisyal na nga US citizen

OPISYAL na nga nahimong American citizen ang Pinoy nga si chess super grandmaster Wesley So.

Ang US Chess Federation mianunyo niini sa ilang website ug ilang gipahibalo nga pormal nga naangkon sa kasamtangang US chess champion ang iyang citizenship niadtong Pebrero 26, 2021 sa US Citizenship and Immigration Services in St. Paul, Minneapolis.

“If you work hard, you have a better chance of making it here than anywhere else in the world. I came here ready to work hard, and it turned out just as I dreamed,” matod ni So nga napatik sa www.abs-cbnnews.com.

Giklaro ni So nga wala kini nagpasabot nga wala niya gimahal ang Pilipinas apan kinahanglan lang kini niyang buhaton alang sa iyang kaugmaon isip chess player.

Gipasabot ni So nga kon wala siya nanimpalad sa Amerika, hayan dili niya maabot ang iyang gipangandoy. Kasamtangan siyang world No.9. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph