USA ka higanteng ilaga maoy gibasol sa pagsige og baha sa usa ka dapit sa Mexico City.
Kini human ang maong mananap gikatahong nagbabag ilawom sa imburnal nga nakuha mismo sa mga tiglimpyo sa dakbayan.
Ang maong ilaga parte lang sa 22 ka tonelada nga basura nga ilawom sa imburnal human sa pagpunay og uwan, sumala sa taho gikan sa Border Report.
Apan sa dihang ila kini gisusi, di diay kini matuod nga ilaga apan usa lang ka Halloween prop nga naanod gikan sa warehouse nunot sa bagyo.
Naanod kini sa mga imburnal sa dakbayan ug wa makit-i sud sa katuigan.
Usa ka Evelin Lopez ang nipatim-aw ug niangkon nga maoy tag-iya sa ilaga nga iyang gihimo niadto alang sa Halloween.
Matod pa niya nga nawagtang ang maong ilaga human sa kusog nga uwan ug wa na niya kini makit-i.