Dear Noy Kulas,
Tagoa lang ko sa ngan nga Jane. Single pa ko ug 28 years old. Nakaagi na ko og live-in for two years but nagkabuwag ra mi kay wa ko momabdos bisan giunsa namo og paninguha nga makaanak mi kay gusto niya nga momabdos ko daan sa di pa mi magminyo.
Karon ang akong problema kay nakauyab ko og minyo nga akong naila-ila sa among mutual friend. Gwapo, buotan ug gentleman kaayo so in short, in love na dayon ko niya. Gatuo lagi ko nga di momabdos, akong gihatag ang akong self niya several times until nga mimabdos na ko karon. Ako siyang gi-inform ug lahi sa uban, pwerte niyang lipaya kay 8 years na sila sa iyang asawa sukad gaminyo, wa sila makaanak.
Gusto niya nga pangayuon ang bata ug ipaagi kuno niya og adoption. Karon, pinangga kaayo ko niya, but wa pa ko motangdo sa iyang hangyo. Unsa kahay akong buhaton, Noy Kulas?
JANE
Jane,
Naa ra nimo ang tanan kon imo bang ipasagop o di. Kana ra bang adoption karon kay kuti na kaayo ang proseso kay moagi ang tanan sa kagamhanan. Di na masayonsayon. But kon kaya ra nimo mag support sa bata ug moamoma kon manganak ka na, nganong imo pa man nga ipa-adopt?
Lahi r aba gyud kon duna kay anak nga imong atimanon. Lahi ang feeling sa babaye nga nabimong inahan. Duna kay inspirasyon kada adlaw aron maninguha ka sa pagpakabuhi ug panginabuhi sa ingon imong mapakita ang pagmahal niya.
Anyway, ayaw pagdali-dali sa imong desisyon.Huna-hunaag maayo una sa di ka pa mohimo og hukom kay major decision baya ang imong pagahimuon.
NOY KULAS