Giingong activism is not communism. Aktibista gusto og kausaban sa kahimtang sa panimuyo. Modangop sa dispiradong pamaagi aron mahatagan og atensyon ubos sa pag-amping nga dili molapas sa utlanan sa balaud. Komunista maoy tumong ang kausaban sa pagtandog sa demokrasya mugna sa ilang nabatyagan nga pakyas ang sistemang demokratikanhon.
Usa sa gitala sa awtoridad nga nga terrorist organization ang Communist Party of the Philippines (CPP) nga gitukod ni Jose Maria Sison dinhi sa Pilipinas. Gitukod ang armadong kusog New People’s Army (NPA) ug politikanhong pakigbisog National Democratic Front (NDF).
Mikayab ang pako sa komunismo nga nakamugna og laing dugay o taas nga rebelyon sa Asya.
Mga aktibista ug komunista hugot nga misupak sa Anti-Terrorism Law diin 37 na ka petisyon gipadangat sa Supreme Court. Lt. Gen. Antonio Parlade Jr. sa National Task Force to End Local Communist Arm Conflict mihingalan nila actress Liza Soberano ug beauty queen Catriona Gray nga vocal sa Anti-Terrorism. Naduhig si Ella Colminares nga igsuon ni Angel Locsin.
Si Parlade nagpahinumdom sa nahitabo ni Josephine Anne Lapera, college student nga napagan sa engkwentro tali sa pwersa sa gobyerno ug rebelding komunista sa Batangas sa Nobiyembre 2017.
Sila si Parlade, National Security Adviser Hermogenes Esperon ug PCCO Asec. Loraine Badoy mipunting nga nalambigit sa NPA ang Macabayan bloc sa kamara nga nagpahipi nga mga sakop sa Natioal Democratic Front (NDF) sama sa Bayan Muna, Gabriela, Kabataan, ACT ug Anak Pawis.
Nobiyembre 2020, gipatay si Jevilyn Cullamat, medical staff sa NPA atol sa encounter sa tali sa Philippine Army u mga rebede sa Surigao del Sur. Si Jevilyn anak ni Bayan Muna Rep. Eufemia Cullamat. Lakang sa gobyerno nga patangtangan sa rehistrasyon sa Comelec ang Macabayan bloc. Dili angayng papasilongon sa landong sa demokrasya sanglit misagop sa maitom nga idolihiya.
Giputol ni Defense Sec. Delfin Lorenzana ang UP-DND Accord nga gilagdaan Hunyo 1989 kay nang-recruit og mga NPA.
Nanawagan si Pres. Rodrigo Duterte sa CPP-NPA-NDF nga dili babagan ang pag-abot sa mga bakuna nga ipang-apud-apuo sa tibuok nasod.