Tour packages ipangtanyag sa Kapitolyo

ILUNSAD sa Kagamhanan sa Lalawigan sa Sugbo ang nagkalain-lain nga tour packages aron makabawi ang mga Sugboanon sa epekto sa pandemya.

Kini maoy gipahibaw ni Cebu Gov. Gwendolyn Garcia human na niya maoserbahi nga duna nay mang-check in sa mga resort.

Apan matod ni Garcia nga bisan pa man og nagsugod na ang kalihukan sa turismo sa Lalawigan sa Sugbo, dili gihapon kini igo aron hingpit nga makabawi ang mga Sugboanon sa nasinating krisis.

“There’s life re-emerging in the Province and as we opened tourism last August, we saw that most of the Cebu City residents would go out on weekends to check into our hotels. But during the week monaog gyud ang occupancy kay trabaho man,” matod ni Garcia.

Tungod niini, pasiunang pre-Holy Week ug Holy Week packages ang ilunsad sa Lalawigan atol sa taas nga bakasyon sa Semana Santa.

Ang tour packages i-pattern sa nailhan nga Suroy-Suroy Sugbo.

Nalakip na niini ang packages alang sa plitehan sa eroplano, pagtanyag og affordable nga room rates lakip na niini ang tulo ka adlaw ug duha ka gabii nga accomodation, tour guides, pagkaon ug transportation.

Apan buot ni Garcia nga ma sustineran ang maong kalihukan alang sa kalungsoran.

“..We now have to consider other markets. We need should now open up for domestic tourism. We need to do more and open up to more markets karon ablihan na nato ngadto sa tanan nga mga probinsya nga gusto moanhi dinhi specially toa didto sa kaulohan,” matod ni Garcia. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph