2 ka all-star ang gipamulta

GIPABAYAD sa National Basketball Associations (NBA) silang Donovan Mitchell ug Rudy Gobert human ilang gisaway ang officiating sa referee dihang gipukan sila sa Philadelphia 76ers, 131-123.

Base sa report, si Mitchell gipamulta og $25,000 samtang $20,000 kang Gobert gumikan sa ilang pagsaway sa desisyon sa referee nga niresulta sa ilang pagkapilde.

Si Mitchell na-ejected sa overtime batok sa Sixers human sa duha niya ka technical fouls ug nilalis sa ilang decision sa wala pa nibiya sa hardcourt.

“There have been games like this that we’ve won; there have been games like this that we’ve lost,” matod ni Mitchell ngadto sa mga tigbalita.

“This whole refereeing stuff and the way we’re nice, we don’t complain, we don’t get frustrated, we fight through things. The fact that we continually get screwed in this way—we won this game, in my personal opinion,” dugang sa All Star guard.

Gisuportahan ni Gobert ang sentimento sa iyang kauban uban sa pag-ingon “not able to get some calls that everybody else in the f--king league gets.”

Ang Jazz naglabaw og 13 puntos batok sa Sixers apan na-outscored 79-62 sa second half ug napilde og katulo sa upat ka duwa sa dili pa ang All Star Game.

Bisan paman sa ilang kapildehan, ang Jazz nag-una gihapon sa NBA standing 27-9 ug nagsunod kanila ang Phoenix Suns nga uwahi og 2.5 games para sa Western Conference. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph