SUPERBALITA CEBU

Nalzaro: Pakyas ba ang anti-drug campaign?

Saksi

SI SENADOR Panfilo ‘Ping’ Lacson namahayag nga failure o pakyas ang kagamhanan ni Presidente Rodrigo Duterte sa kampanya batok sa illegal nga drugas. Wala hinuon mohatag og grado si Lacson. Apan ang iyang gibasihan mao ang nagka-grabe nga problema sa illegal nga drugas. Giluwatan ni Lacson ang pamahayag human sa ‘misencounter’ tali sa mga sakop sa Quezon City Police District ug Philippine Drug Enforcement Agency (PDEA) sa Quezon City sa miaging semana diin duha ka pulis ug PDEA agent nangamatay.

Pakyas ba gyud? Dili sab siguro uy. Kay aduna may mga personalidad nga nadakpan, nisurender ug nangamatay sa dihang gisugdan ni Digong ang war on drugs. Lisud lang gyud kaayong sumpuon kining maong illegal nga negusyo kay bisan ang gamhanang mga nasud sama sa Amerika wala man makasumpo. Gani sinsero ang ilang mga law enforcer ug adunay mga sophisticated equipment. Kita pa kaha nga ang uban natong mga law enforcer ug mga opisyal sa kagamhanan nahilambigit man.

Adunay idiom sa Eninglis nga ‘The Eleventh Hour.’ Dunay nag-ingon nga kinutlo kini gikan sa bibliya. Sa book of Matthew, Chapter 20, verse 9, kini nag-ingon: ‘And when they came that were hired about the eleventh hour, they received every man a denarius.’ Nagpasabot kini sa sugilanon sa mga trabahante nga mi-abot sa ika onse nga takna sa usa ka ‘dose oras’ nga adlaw sa trabaho. Ug nakadawat sa susamang kantidad sa suhol sama sa mga nagtrabaho tibook adlaw. So, ang eleventh hour nagpasabot sa labing katapusang higayon dayon sa pag-abot sa deadline.

Susama sa drug war karon sa Pilipinas. Gikan sa 2016 diin gisaad nga tulo ngadto sa unom ka buwan lang ang pagsumpo sa drugas sa dihang nilingkod si Presidente Duterte. Karon, anaa gihapoy drugas. Apan karon niabot na kita sa 11th hour. Kay hapit na ang pagtapos sa termino ning maong administrasyon, anam nang nahushos ang sayal sa gobiyerno ug nag-anam nang nakita ang kamatuoran.

Human sa linibo nga nangamatay ug gipaka-uwawan, karon mao nay atong nabati ang pag-angkon nga pakyas ang kampaniya. Ingon ba lang kasayon nga dawaton ug igo lang kitang moingon nga ‘better luck next time?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph