SUSIHON pag-usab sa Department of Education (DepEd) Cebu Province ang mga tunghaan nga mahimo na unya nga makapahigayon sa limited face-to-face classes sa lalawigan sa Sugbo.
Kini maoy gi-pahibaw ni DepEd Province Schools Division Superintended Dr. Marilyn Andales sa mga tigbalita sa Marso 5, 2021. Sa kinatibuk-an, adunay 1, 211 ka mga tunghaan sa lalawigan sa Sugbo.
Matod ni Andales nga adunay pasiunang 12 ka mga tunghaan nga na identify na nga makapahigayon sa face-to-face classes sa lalawigan.
Ang maong mga tunghaan giisip nga gawasnon na sa coronavirus disease (Covid-19) busa minos ang hulga sa mga tinun-an.
“Actually, naa tay 12 schools nga gi identify as pilot schools nato sa limited face-to-face but will have to finalize the number of pilot schools kay ang uban, because naghatag man sila og letter sa office nga because sa ilang place sa una wala to sila, Covid free and because okay na, nisulat sila nga increasing ilahang Covid cases. So, ni decline sila to be a pilot school sa limited face to face,” matod ni Andales sa Marso 5.
Kini subay sa hangyo sa hugpong sa kalungsoran o ang League of Municipalities of the Philippines (LMP) sa miaging tuig nga i-balik na ang face to face classes sa mga lungsod nga gawasnon na sa Covid-19.
Ang mao nga mga tunghaan nahimutang sa bukiran o layo na nga bahin sa mga lungsod.