SUPERBALITA CEBU

P20 nga dunay shabu gibaligyag P10,000

TAG P10K NGA P20: Mao kini ang kantidad sa tag P20 nga papel de bangko kay duna diay shabu sa ilawom nga iya ni Gerry Gabuya. / BENJIE B. TALISIC

BAG-ONG modus karon sa durugista sa pagpamaligya og ilegal nga drugas nakaplagan sa kapulisan human masikop ang usa ka gikatahapang drug pusher sa Drug Enforcement Unit sa Station 5 sa Mandaue City Police Office (MCPO) sa Biyernes sa gabii, Marso 5, 2021.

Ang shabu gisulod sa linikit nga tag P20 ug gibaligya og tag P10,000. Ang nasikip sulod sa usa ka machine shop sa Barangay Looc, Dakbayan sa Mandaue giila nga si Gerry Gabuya, 51, nagpuyo sa dapit.

Ang buy-bust gipangulohan ni Police Lieutenant Jessie Tañola ubos sa direktiba ni Police Captain Armil Caloscos, hepe sa Station 5.

Nadiskobrehan sa mga pulis nga dunay bag-ong estilo ang pagpamaligya ni Gabuya tungod kay dunay tulo ka P20 ang ilang nasakmit nga dunay nag linya nga shabu.

Matod ni Caloscos nga ilang nahibaw-an gikan ni Gabuya nga “harus” ang tawag nila sa kustomer nga mopalit og daghan.

Dugang ni Caloscos nga tag P10,000 ang baligya bugti sa usa ka P20 nga papel nga duna diay gipangpilit nga shabu.

“Kon pil-on na ang kwarta nga P20, dili na gyud mailhan nga duna na diay gipapilit nga shabu,” butyag ni Caloscos.

Nasakmit gikan kang Gabuya nga shabu gibana-bana nga moabot sa 16 gramos nga mobalor og P108,000 base sa Dangerous Drugs Board (DDB) value.

Gawas sa shabu nga nasakmit, duna usa mga gamit sa pagsuyop timailhan lang gawas nga namaligya ang suspek, didto usab niini pagamiton.

Gikonsidera ni Caloscos nga high value individual si Gabuya tungod sa pagkalambigit niini sa usa ka drug lord nga wala una nila nganli. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph