PADAYON sa pagpakignegusasyon ang beteranong promoter nga si Bob Arum aron iparang ang iyang batos nga si World Boxing Organization (WBO) welterweight champion American Terence ‘Bud’ Crawford (37-0, 28KOs) batok sa iyang kanhi boksidor nga si Filipino boxing icon Manny Pacquiao (62-7-2, 39KOs).
Matod ni Arum, kinsa maoy tag-iya sa Top Rank Promotion, nga padayon ang negusasyon alang sa away nga giplanuhang ipahigayon sa Middle East.
“The Pacquiao group is working with people in the Middle East, who are real people and that are going to finance this,” asoy ni Arum sa interbyu sa Boxing Social.
“If they come up with the money and finance this fight, then we’ll do the fight in this country in the Middle East.”
Matod ni Arum nga kon dili madayon ang away, iyang iparang si Crawford batok kang Shawn Porter (31-3-1, 17KOs), kinsa maoy tag-iya sa welterweight titles sa World Boxing Council (WBC) ug International Boxing Federation (IBF). (ESL)