Editoryal: Ting-init, Covid-19

Editorial Cartoon by Ariel Itumay
Editorial Cartoon by Ariel Itumay

BISAN wala pormal nga modeklarar ang Philippine Atmospheric, Geophysical and Astronomical Services Administration (Pagasa), apan masinati na nato ang tumang kainit sa adlaw labi na sa udtong tutok.

Kon mag-init, daling mauga ang palibot ug risgo sa sunog, hinungdan nga giobserbar karon ang Fire Prevention Month tungod sa daghan natala sa kabomberohan nga kaso sa sunog matag Marso.

Kon dili mangandam, walay mapunit sa kabtangan ug bahandi nga lamuyon sa kayo sa usa lang ka pagpamilok sa pipila ka tuig nimo nga hinagoang butang.

Minos ang produksiyon sa agrikultura tungod sa pagnihit sa tubig hinungdan sa pagpanawagan sa pagdaginot sa tubig, sama sa Cebu City Agriculture Department (CAD) nga nangandam sa ting-init.

Si City Agriculturist Joelito Baclayon nagkanayon nga gawas sa water impounding project sa CAD sukad sa miaging tuig, mas dako nga water catchment system ang ilang gitukod sa pagseguro sa igong tubig alang sa mga tanom.

Ubos sa 2021 annual budget, P30 milyones ang gigahin sa pagtukod sa mas dako nga water catchment system sulod sa 28 ka mga bukirang barangay sa dakbayan.

Dili tanang negatibo ang panahon sa ting-init. Kini ang panahon nga tukma sa pag-ayo sa kadalanan labina sa sistema sa drainage agi’g pagpangandam usab sa ting-ulan. Dili magkalapok tungod sa proyekto.

Apan ang seguradong pangandoy sa tanan nga mamatay og dali ang coronavirus disease 2019 (Covid-19) tungod sa grabe kainit sa palibot. Way sayantipiko pagtuon nga nagsuporta niini nga pagtuo apan, panaghap lang human ang virus namugna sa bugnaw nga dapit sa Wuhan, China.

Magbantay. Magpakabana. Mag-ampo kita nga kining panahona makatabang sa hingpit nga pagpatay sa Covid-19.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph