P2M danyos sunog sa bodega sa Happy Valley

NAKIGBUGNO SA KAYO: Ang mga bombero nakigbugno sa sunog sa bodega sa 5th St. sa Happy Valley, Barangay Guadalupe, siyudad sa Sugbo kagahapon sa gabii, Marso 7. / Benjie B. Talisic
NAKIGBUGNO SA KAYO: Ang mga bombero nakigbugno sa sunog sa bodega sa 5th St. sa Happy Valley, Barangay Guadalupe, siyudad sa Sugbo kagahapon sa gabii, Marso 7. / Benjie B. Talisic

SUNOG sa 5th St. sa Happy Valley, Barangay Guadalupe, siyudad sa Sugbo misaka sa ikaduhang alarma tungod sa pagdako sa kayo.

Si SFO1 Riza Julve sa Cebu City Fire Department (CCFD) niingon nga nadawat ang alarma sa sunog sa alas 7:02 sa gabii sa Dominggo, Marso 7.

Samtang gisaka ang unang alarma sa alas 7:10 sa gabii ug alas 7:21 sa gabii, pipila ka minuto ang milabay, gisaka na dayon ang alarma.

Matod ni Julve, ang nasunog nga lugar usa ka karaang panimay nga gihimong storage room ug tahianan sa mga panapton hinungdan nga dali nikatap ang kayo.

Dugang ni Julve nga ang nasunog nga edipisyo gipanag-iya sa usa ka Eddie Chua, kinsa maglisod usab sila pagsuta kon diin gyud nagsugod ang kayo tungod dili mokooperar ang mga trabahante nila.

Sa nahitabong sunog, moabot sa P2 milyunes ang danyos samtang gideklarar usab sa mga bombero nga fire under control sa pagka alas 7:41 sa gabii. (BBT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph