SUPERBALITA CEBU

P50K nga kuwang sa buhis giuli

LIGDONG, MA­TINUD-ANON: Si Elmer Gillana, trabahante sa MM Tan Bookkeeping Services, nag-apong samtang giihap sa kawani sa Cebu City Treasurer’s Office (CTO) ang P50,000 nga nakuwang sa ilang gibayad nga buhis sa usa ka kliyente nilang kompaniya ngadto sa Cebu City. Tungod sa pag-uli ni Gillana sa kwarta, ang kawani sa city hall nga makatapal unta sa kuwang, nakaginhawag lawom. (Hulagway gikan sa Cebu City PIO)

KUWANG nga P50,000 sa gibayad nga buhis sa usa ka bookkeeping company gihatod sa usa kawani nga nakabantay nga kuwang ang gipabayad kanila nga buluhisan sa Cebu City Treasurer’s Office.

Sa Lunes, Marso 8, 2021, gitugyan ni Elmer Gillana, trabahante sa MM Tan Bookkeeping Services ang P50,000 ngadto kang Acting City Treasurer Mare Vae Reyes.

Si Reyes nipasalamat kang Gillana sa kaligdong ug kamatinud-anon niini sa paghatag sa hustong buhis bisan kon mahimo ra unta kining itago nga wa masayod ang Siyudad.

Nahitabo ang kuwang nga pagpaningil sa collector gikan sa City Treasurer’s Office niadtong Pebrero 17, 2020.

Gipadayag ni Reyes nga niadtong higayona sa pag-remit sa kwarta, nahibaw-an sa collector nga kuwang ang iyang collection og P50,000.

Gitaplan kini sa collector pinaagi sa data-data kay dako kaayo ang kantidad.

Ang susamang insidente kadaghan na mahitabo, apan kaniadto, labing dako P300 ra ang deperensiya.

Kini sayon ra taplan apan kini maoy labing dako nga alkanse sa collector, kinsa wa niya nganli apan kapin o kulang 30 ka tuig na sa serbisyo.

Gihulagway sa acting City Treasurer nga husto ang naa sa resibo nga moabot og kapin o kulang P90,000 ang bayranan sa buhis. Apan ang kwarta nga gipaningil sa collector dul-an ra sa P40,000.

Gipangangkon ni Gillana nga iyang nabantayan ang kuwang sa iyang pagtan-aw sa resibo.

Iya kining gitandi sa actual untang bayranan sa kompaniya nga ilang kliyente, ug ang nahimutang sa resibo sa CTO.

Dali nga gipahibawo ni Gillana ang iyang mga labaw sa ilang buhatan, nga dali usab nga nimando kaniya sa pagbisita sa City Hall aron itugyan ang P50,000 nga kuwang sa nasingil sa Siyudad.

Si Reyes niingon nga maayong ehemplo si Gillana sa usa ka ligdong ug matinud-anon nga tawo nga sundon sa uban.

Si Gillana lumad nga taga Madridejos, mga isla sa Bantayan, Sugbo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph