SUPERBALITA CEBU

Groundbreaking sa new Carbon sa Marso 17

Ipahigayon ang groundbreaking sa P5.5 bilyones phase 1 development sa New Carbon Public Market karong Marso 17, 2021 sa Senior Citizens Park, atubangan sa Cebu City Hall.

Si Market Administrator Irvin Cabales nagkanayon nga human sa groundbreaking, isunod sa Megawide Construction Corp. ang pag-develop sa wa mahuman nga estruktura sa Unit II.

Matod ni Cabales, Septiyembre 2021 ang target nga mahuman ang trabaho.

Nianang higayona, ibalhin na usab ang gatusan ka mga vendors nga kasamtangang nag-okupar sa Freedom Park ug Warwick Barracks apil na ang mga ambulant vendor.

Inig sugod sa trabaho, gipahibawo sa market administrator nga sirad-an ang dalan Escaño ug Calderon nga maoy nagtadlas sa mamahimong construction site gikan sa Magallanes Street.

Matod ni Cabales nga mopatuman sila og re-sectioning sa Unit-I nga maoy wet market.

Adto ipahimutang kadtong mga vendor sa Freedom Park ug Warwick Barracks nga naninda og isda, manok ug karne.

Mahitabo ang pagbalhin inig kahuman sa development sa Unit II nga magsilbing relocation site sa vendors nga unang maapektohan sa phase 1 development.

Si Mayor Edgardo Labella subli nga nipahinumdom sa mga vendor nga dili angay mabalaka sanglit ang pagpalambo sa Carbon Market para sa mga manindahay ug mamalita.

Way vendor nga mawad-an sa ilang trabaho samtang gi-develop ang kapin usa na ka siglo nga merkado.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph