MAAYO na lang kay wala misukol ug nakaingon og "salamat gyod" ug nagkatawa sud sa selda ang usa ka gituohang pusher atol sa buy-bust operation sa Marilog Police Station alas 2 sa hapon niadtong Dominggo, Marso 7, 2021, didto sa Purok 4, Barangay Buda, Marilog District, Davao City.
Ang hepe sa Marilog Police Station nga si Police Captain Philip Dave A Uddin nag-ila sa suspek nga si Rommel Beña Chavez, 32, merchandizer ug residente sa nasampit nga dapit.
Maayo na lang malinawon nga misumite sa kaugalingon ang suspek nga dunay .38 revolver nga dunay tulo ka mga buhing bala, kinsa nakuhaan sab og lima ka pakite sa gituohang shabu nga dunay street value nga P20,000.
Sa kasamtangan, gibalhog ang suspek sa selda samtang giandam ang kasong paglapas sa Republic Act (RA) 9165 kun Comprehensive Dangerous Drugs Act of 2002 ug ang RA 10591 kun Comprehensive Firearms and Ammunition Regulation Act didto sa korte.