USA ka 61 anyos nga ginang napalgan sa iyang kabanay nga wa nay panimuot human niambak sa Busagak Falls, Barangay Busay, Lungsod sa Pinamungajan alas 12 sa udto niadtong Marso 7, 2021.
Si Normalyn Alquizar Masangkay, 61, minyo, namatay human gituohang giatake sa kasingkasing samtang naligo.
Si Police Corporal Ryan Mangilimotan ss Pinamungajan Police Station nga nahinabi sa Superbalita Cebu nagkanayon nga si Masangkay niduaw sa iyang kabanay sa maong dapit kay sa Consolacion na nagpuyo.
Uban niya iyang anak ug higala nangaligo sa Busagak Falls. (GPL)