Dear Noy Kulas,
Tawga lang ko og Beth. Kining akong problema nagsugod ni dihang nag high school ko. Nagduda ko nga naa koy pagka tomboy ug karon lang nga in my 40s na ko nagkagrabe.
Minyo na ko ug duna nay mga anak. Ang akong bana usa ka OFW ug pirme molarga. Karon ra siya nagdugay og uli tungod sa pandemic. Aron di ko mag inusara sa balay kuyog sa mga bata, naa nako gipapuyo ang akong second degree cousin. Usa ra sab mi ka kuwarto.
Karon kadtong naay gabii nga medyo nakainom mi kay birthday niya, naay nahitabo namong duha. Ambot ngano kaha to. Human ato, daghan pa ang nahitabo. Na worry ko kay nag anam na ko og ka love nako ang akong cousin ug di na ko ganahan maghuna-huna sa akong bana. Usahay mag-away pa mi kay di na ko ganahan makig-estorya niya og dugay.
Noy, tambagi ko unsay akong buhaton karon. Nakahibawo ko nga di ni maayo, but lesser evil tingali ni kay sa lalake ang akong karelasyon, di ba?
BETH
Beth,
Bisan pag babaye ang imong karelasyon, cheating gihapon ang imong gibuhat. Tingali, di kaayo dako og impact sa imong pamilya ug bana kon mahibaw-an, but, still mo-create gihapon na og eskandalo.
Kon nakamugna na og kadaut sa imong kaminyuon, you better get rid sa imong cousin. Pag estorya lang gud mong duha unya talk about sa inyong relasyon ug sa inyong pamilya. Kay kon mahibaw-an na ang inyong duhang relasyon, seguradong pistahan na. Unya, seguradong di maayog tan-aw ang inyong mga anak kay di man buang ang imong bana.
Busa samtang wa pa makagamot og maayo ang pagbati, undanga ninyong duha ang inyong relasyon samtang wa pay napaso sa kayo.
NOY KULAS
rojval69@yahoo.com ug kulassuper@sunstar.com.ph