SUPERBALITA CEBU

Nalzaro: ‘No vaccine, no work policy’

Saksi

MI-ALMA ang Associated Labor Union-Trade Union Congress of the Philippines (Alu-TUCP) kabahin sa plano sa ubang mga kompaniya diin adunay silay mga miyembro nga “no vaccine, no work policy.” Buot ipasabot nga kadtong mga empleyado nga dili magpabakuna nga ihatag sa ilang mga kompaniya nga libre posibleng magukod ug mapahamtangan og administrative sanction o ba kaha dili pa-trabahoon. Hinuon, plano pa lang kini.

Samtang katungod sa mga employers o kapitalista ang paghatag og suporta alang sa sakto ug himsog nga panglawas sa ilang mga empliyado apan kining Covid vaccination dili himuon unta nga mandatory o compulsory. O kanang ipamugos ba? Daghan man god ang mga rason nganong dili magpabakuna ang usa ka tawo kontra Covid-19. Wala man gani magpabakuna kanang mga opisyal sa kagamhanan nga maoy gitahasan aning vaccination program. Dili man kaha pinugsanay sa government sector unya sa private ipamugos sa mga employers?

Mismo si Labor Secretary Silvestre Bello 111 mipahimangno nang daan sa mga employer nga dili pugson ang ilang mga empleyado ug dili himuon nga policy ang “no vaccine, no work.” Maayo nga mopakanaog na ang labor department og klarong lagda kabahin niini aron dili magkagubot inig abot sa tukmang panahon.

Katungod



Ang mga katungod sa tanang tawo anam-anam nga mapapas kon ang mga katungod sa usa ka tawo malapas. Kini ang gisulti ni kanhi US Presidente John F. Kennedy. Ug ingon niini ka kuti ang pagtimbang-timbang sa unsa kabug-at ang mga katungod natong tanan. Katungod sa mga mamumuo tugbang sa katungod sa mga kapitalista.Katungod sa usa ka tawo ug katungod sa tanang tawo sa usa ka sosyidad. Ang gobiyerno nga mao ang makinarya nga atong gitukod aron pagpanalipod sa mga tawhanong katungod. Adunay dakong tahas sa pagpakita nga wa siyay gipinig o gipalabi sa pagpatugbaw sa tawhanong katungod sa tanan.

Angay siyang magtamod sa dakong kamatuoran nga ang usa ka katungod dili lang unsay gihatag ngadto sa usa ka tawo, kon dili unsa ang dili angay malangkat gikan kaniya. (bobbygnalzaro@gmail.com)

VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph