1 ka bag-ong kaso sa Covid-19 natala sa Cagayan de Oro

WALA makaabot og lima ka kaso sa coronavirus disease (Covid-19) sa Cagayan de Oro human usa ra ka residente ang mipositibo sa virus, sumala sa report sa City Health Office sa dakbayan.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,880.

Sa 3,880 nga kinatibuk-ang kaso sa Covid-19 sa syudad, 422 ang mga returning overseas Filipino workers/locally stranded individuals (ROFs/LSIs) ug 3,458 ang mga local transmissions.

Matud ni Acting City Health Officer Dr. Lorraine Nery, sa 3,458 nga mga local nga kaso, 186 ang mga persons deprived of liberty (PDLs), 1,851 ang mga local index cases, ug 1,419 ang mga local cases with link.

Ang Cagayan de Oro adunay 149 ka mga active cases, 55 niini na-admit sa Northern Mindanao Medical Center (NMMC) ug uban pang mga ospital sa syudad ug 94 ang mga outpatients.

Nakatala usab og usa ka mga coronavirus-positive nga pasyente, kinsa naka-recover na. Anaa na karon sa 3,546 ang ihap sa mga nakarekober nga mga kaso sa dakbayan.

Sa maong numero, 302 ang mga LSIs, 119 ang mga ROFs, ug 3,125 ang mga lokal nga kaso (community: 2,650; Apors: 475).

Ang recovery rate sa Cagayan de Oro anaa na sa 91.39 percent.

Ang ihap sa mga namatay sa Covid-19 sa syudad naa sa 185.