Manila--Wala nay lipudlipod pa, wala nay dikidiki, mapasigarbuhon nga gipahibalo ni Julia Barretto sa netizens ang pagminahalay nila ni Gerald Anderson.
May mga hulagway nga mingtumaw (nga for sure gikan sad sa kampo sa duha) nga naghawok sila ug ma-feel jud nimo nga intense ang ilang paghinigugmaay.
Kaniadtong March 7, adlawng natawhan ni Gerald, kung makaon pa lang ang mabulokong mga pulong nga giluwatan ni Julia, na... butirik na siguro sa kabusog si Gerald.
“Everyday, I celebrate you, but today I am extra grateful. Happy birthday my love, I am so proud of you,” post ni Julia sa iyang Instagram.
Hay! Makabukad og kuyos ang mensahe ni Julia. Halata kaayo nga ga uros-uros jud ang gugma niya kang Gerald.
Pero nasayod naman ta sa social media, dili tanan mouyon sa kalipay nga gitagamtaman karon ni Julia ug Gerald. May mga bashers pero naanad na sila sa ingon ani, basta ang importante, malipayon silang duha.
May nakita akong collage sa mga artistang naging ex ni Gerald, aba puro mga shampoo commercial models diay sila like Kim Chiu for Rejoice, Bea Alonzo for Head & Shoulders, Maja Salvador for Clear ug Julia Barretto for Palmolive.
I’ll go for Julia tungod kay Palmolive ang shampoo ko hilabi na katong may coconut oil.
So base ana, maingon jud nato nga shampoo commercial model hunter si Gerald or it could be nga sadyang mahilig lang jud siya sa gwapa ug nindot ang buhok maong eventually naging shampoo commercial model sila.
Anyway, i-enjoy lang ninyo Julia ug Gerald ang kada minuto sa inyong panaghinigugmaay. Hinaot nga molungtad kamo, di na magpatintal sa ubang nilalang nga may planong gub-on ang inyong paghinigugmaay.
Kinahanglang kusog ang kapit ninyong duha ug make God the center sa inyong relasyon, puwede naman siguro.