MGA 20,000 doses nga AstraZeneca-Oxford (AZ) vaccine batok sa coronavirus disease ang gikatakdang moabot sa Central Visayas karong adlawa, Marso 10.
Kini maoy gipahibawo sa tigpamaba sa Department of Health 7 Dr. Mary Jean Loreche atol sa gihimo nga Project Balik Buhay briefing niadtong Marso 9.
Ang maong mga bakuna gi-donate ubos sa Covax facility nga gipadala sa Unicef pinaagi sa KLM Royal Dutch airlines.
Tug-an ni Loreche nga nagpadayon pa sila sa paghimo og pagtuon mahitungod sa pagpang apod-apod sa bakuna diin ilang unahon kadtong mga senior healthcare workers (HCWs) samtang ang uban ngadto sa ubang HCWs nga nag-edad og 18–59 anyos.