“Finish na. May nanalo na!”
Komento pa sa mga netizen sa nag-viral nga mag-sweetheart nga silang Jim Bryan Calonia, 31, ug Jasmina Cirstea, 22, sa social media.
Si Jasmina natawo ug nidako sa Kokkola, Finland ug usa ka towering beauty sa gitas-on nga 5’8” nga na-in love sa Pinoy nga si Bryan nga taga-Cabadbaran City, Agusan del Norte ug duna ray gitas-on nga 5’5”.
Apan bisan pa sa managlahi nilang mga kultura ug hitsura mapugngan pay baha apan nungka ang ilang gugma.
“We met in 2017 on a European cruise ship, where I worked as a bartender for almost 3 years. Jasmina’s parents were my regular guests. Na-starstruck ko pagkakita nako niya kay mora siyag Barbie doll, guwapa kaayo,” paambit ni Bryan sa interbyu sa SuperKa sa Superbalita Laysho.
“At first I thought di siya ganahan nako kay kada-approach nako niya igo ra siya mo-”hi and hello” ug molakaw dayon. Until one night while I was having a bar show I saw her passing by. Ako siyang gi-flying kiss ug gitudlo. Ang mga guest didto nilingi niya tanan. Puwerte niyang blush ug diha nagsugod ang among love story.”
“It’s normal to blush when you see your crush,” pasiaw ni Jasmina nga nagkatawa.
Na-featured usab sila karong bag-o sa programang “Kapuso Mo Jessica Soho” diin gipakita ni Bryan ug Jasmina ang ilang kinabuhi karon sa Lapu-Lapu City diin sila naabtan sa pandemya.
“We had a vacation in Cebu last year when suddenly lockdown happened. But as we continue to explore we discovered how beautiful this place is that’s why we decided to stay and instead opened up our own business which is The White Mansion. It’s a milk tea and pastries shop that’s just nearby Mactan Newtown. It’s the first 2D-art café in the Visayas. The interior design is inspired in 18th century. We named it ‘The White Mansion’ because as you can see it’s huge and the color is white,” esplika ni Jasmina.
Okay ra inyong parents sa inyong set-up?
“Yes. Both our parents are very supportive and they are proud that we’re surviving especially in these trying times,” tubag ni Bryan.
“Ang ilang pamilya tag-iya og circus sa Finland for more than 20 years now nga gitawag og Sirkus Valentino diin nagtrabaho si Jasmina isip manager. Among relationship mag-three years na karong March 19. Wala pa mi makasal ug wa pa sad mi anak, but hopefully soon.”
Si Bryan nitug-an nga niadto pang 2018 sila nag-trending ug pila na ka TV shows ang nangulitawo nila aron i-feature ang ilang estorya apan wa sila mosugot tungod sa kadaghang bashers nga gusto lang magbugalbugal.
“Shocked sila nga tisay kaayo akong uyab. Haha. Ika-14 na gud ni nakong Facebook account kay pirme lang ma-hacked. Pero karon naka-adjust na mi. Wala na mi paki unsay ilang isulti as long as we’re happy and our business is doing good.”
Inanay na usab nga nasagop ni Jasmina ang kulturang Pinoy ug makasulti og pipila ka mga Bisaya sama sa “gamay lang” ug “nikaon na ka?”
Lakip sa iyang natilawan na ang balot, tuslob buwa, fish ball ug ngohiong apan ang pinakapaborito niya sa tanan ang pork afritada, lumpia ug chicken adobo.
“Mas maayo pa gud siya moluto nako og chicken adobo. Mas ganahan sad siya mamalit sa ukay-ukay kaysa mga mall. Pinagsa ra mi maglalis kay pareho man gud mig hilig.”
“I don’t care bisan kapila pa ma-hack akong FB basta padayon lang among negosyo and as long as I won’t lose the love of my life, Jasmina. Kon gusto mog lami ug barato nga milk tea ug cakes, The White Mansion is just located near Mactan Newtown. We’re open from 11 am to 9 pm. See you!” panapos ni Bryan sa Super Ka.