Malapascua Island paraiso sab sa non-divers

ISIP paagi nga makabangon ang turismo sa Probinsya sa Sugbo ug pagtabang sa mga nawad-an og panginabuhian gumikan sa Covid-19 pandemic, gibuksan pagbalik ni Cebu Gov. Gwen Garcia ang pipila ka mga tourist destination sa lalawigan.

Usa na ang Malapascua Island nga labing gipasigarbo gumikan sa dagat ug marine life sa dapit nga daw sama sa paraiso.

Sa wala pa ang pandemya, dili mahutdan og turista ang isla, ma lokal man o langyaw.

Karon, mingaw ang isla sanglit limitado lang ang makasud matag adlaw. Ilabi na nga gihunong usab ang mga kalingawan matag gabii.

Favorite destination usab ang isla alang sa mga diver gumikan sa world-famous diving sites, sama sa Monad Shoal diin makita ang thresher shark.

Sa mga dili mahiligon sa scuba diving, adunay daghang ikadalit ang Malapascua nga mga nagkadaiyang kalihokan nga mamahimong ma-enjoy.

KALINGAWAN UG UBAN PA

Langub Beach

Snorkeling ug Island/Beach hopping--Pipila sa masuroyan sa island hopping mao ang:

• Japanese shipwreck--Gawas sa thresher shark, naila usab ang Malapascua sa mga wreck dive sites. Usa na ang Tapilon Wreck nga giingong cargo carrier sa mga Hapon niadtong World War II nga nalunod sa isla.
• Karon nahimo na kining paboritong atraksyon diin makita usab ang klase-klaseng marine creature ug corals.
• Dakit-Dakit Island
• Los Bamboo Cliff
• Langub Beach--Kinanindotan nga beach sa tibuok isla, lapad ang shoreline ug tin-aw ang tubig. Dili sama sa Bounty Beach, mingaw ang Langub Beach ug walay mga resort ug tindahan sa baybayon.
• Guimbitayan Beach
• Bounty Beach -- Naglaray ang mga resort ug restaurant
• Lighthouse