Kutob pa lang sa papel ang pagpalambo sa 45.2 ektarya sa South Road Properties (SRP) nga napalit sa SM Ayala Consortium sa buhian nga gahin P316 bilyunes. Kutob ra sa hunat nga bayaran ang nahibiling utang sa Japan ug duha socialized housing sa Lorega alang sa mga kabos.
Laraw sa modernong digital traffic system, financial center ug modernisasyon sa Carbon.
Igo rang giumol ang Inter-Agency Task Force pagsulbad sa baha lakip na sa drainage sa Mambaling paingon Pardo ug Leon Kilat padulong Ermita.
Damgo pa lang ang Integrated Intermodal Transport System nga langkoban sa MRT, BRT, cable car ug katukoran sa kolehiyo, elementarya ug sekondarya.
Epiktibong koleksyon sa basura nunot sa pagpalit og 1,000 garbage bins, paglimpyo sa kasapaan ug pagpananom sa mga kahoy.
Livelihood assistance sa mga naapektohan sa road clearing pinaagi sa Department of Labor and Employment (DOLE).
Reading Centers sa barangays abag sa library. Giuna pagbukas ang out-patient sa Cebu City Medical Center (CCMC). Gihimong 24 oras ang serbisyo sa City Hospitalization and Medicine Program (CHAMP). Financial assistance sa senior citizens ug persons with disabilities.
Daling building ug business permits nga duha na ka tuig ang validity. Gipabalik ang mga establisamento nga gipasirhan. Gi-release ang mga sakyanan nga na-impound sa counter-flow. Gibalik ang suporta sa kapolisan. Bag-ong sakyanan sa mga konsehal ug consultant.
Gibungkag ang Barangay Mayor’s Office (BMO) apan giumol ang Mayor’s Information and Liaison Office (MILO). Positibo sa drugas ang 71 ka mga kawani, 13 ang gitaktak. Nahitabo ang pag-eskapo sa children in conflict sa Operation Second Chance.
Naputos sa negatibong reaksyon ang mga kawani sa PROBE nga nakiglayog sa vendor ug uban pa.