Ang pandemiya nag-abli og mga bag-ong kahigayonan unsaon nga mabuhi sa dili normal nga panahon. Usa sa niuso og maayo nga matang sa panginabuhi mao kining pagpamaligya og mga tanom. Bisan asang suok makita nimo ang display sa mga tanom. Ang uban gisuroy. Diha naman ni kaniadto. Ilabi na sa ornamental plants.
Ang pandemya naghatag og kahigayonan sa labing daghan nga padakaan pa ang ilang supply tungod sa nagbaha nga mga tawo nga nanginahanglan niini. Kay kusog ang palit sa nga tanom nisaka sab ang supply sa mga kaang. Apan wala na igkita kadtong karaan nga kaang nga hinimo sa clay. Ang nauso mao ang mga kaang nga plastic. Gawas nga barato ug gaan, bisan asang merkado pwede ka makapalit.
Usa ka Dominggo niana, nakaagi ko sa tugkaran sa Pardo Public Market sa dakbayan sa Sugbo. Dinhi gi-display ang nagkadaiyang klase sa mga tanom nga bulak. Daghan ang namili. May nangutana sa presyo nga nakapasiga sa akong mata sa dihang nitug-an ang naninda. Tag P2,800 ang presyo sa usa ka tanom. Gihangyo og P2,600, gitugot ug gipalit. Nindot sab gyud hinuon ang maong tanom. Pero sa presyo nga P2,600. Nakahinumdum ko sa mga post sa Facebook nga gawas sa nilibo may minilyon ka pesos nga kantidad sa mga tanom nga gipamaligya sa online.
Akong nailaila ang namaligya sa tag P2,600 nga tanom. Sila ang magtiayon nga Erwin ug Lian Altamarino nga taga Carmen, dakbayan sa Toledo. Matag Dominggo sila mo-display sa Patdo Public Market. Dihay higayon nga nisulay silag display sa Carbon Market, wala sab magdugay tungod sa pagsigi og dagan dagan paglikay sa manakupay.
Matod sa magtiayon ning panahon gyud sa pandemiya sila nakahukom nga moundang sa pagpamuhi og baboy ug motutok sa pagpanibda og mga tanom.
Matod ni Lian, diha silay baboy nga gibuhi. Tungod sa pandenya naglusod sila sa pagpalit og feeds. Mai nakahukom sila nga ibaligya og ang halin maoy ilang gipuhonan pagpangumpra og mga tabom sa bukid.
Matod ni Etwin nga itandi sa pagpamuhi og baboy nga kalas kaayo og feeds mas maayo ang tanom kay tubig ug gamayng init sa adlaw ray puhonan. Ang halin sa baboy nga ilang gipuhonan wala damha nga nitubo og nidaghan ang ilang supply. Gawas sa Pardo, nag-supply sab sila sa mga order nga gipaagi sa online.
Aron nga makalikay sila sa manakopay kong mo-display sa siyudad, nangita ko og dapit ada sila pwede mi-display matag adlaw nga pribado. Nikuyog sab hinuon ang maayong kapalaran kay nisugot ang lain nakong higala nga sa kilid sa iyang carenderia i-display ang mga tanom nila ni Erwin ug Lian. Mao ni gitawag og huyhoy panahon sa pandemya.
Karon ang tri-color, royal queen, giant golden protos, burle marx, Lemon Lime, Marble Protos, lynette, black majesty, black cardinal, black velvet, calathea zebrina, Pink Siam, linnea, legacy pink, legacy green ug daghan pang tanom ang gi-display didto.