GIBUTYAG sa kadagkuan sa kapulisan nga ila nang badlungon ang mga managhinigugmaay o bisan ang mga magtiayon kon ilang makita nga nag-holding hands, nag-halok-halok, nag-gakos-gakos o nag-loving-loving o kanang gitawag nila og ‘public display of affection’ (PDA) diha sa public places. Kini subay gihapon sa kusganong kampaniya karon sa paglikay sa tinakdanay sa Covid-19. Badlungon lang ug dili dakpon o multahan kay wala may balaod kabahin niini.
Hinuon, ang Inter-Agency Task Force for the Management of Emerging Infectious Disease (IATF) walay klarong baruganan niini. Ug ang mga local government unit (LGUs) wala pa mopasar og mga ordinansa kabahin niini. Sa kapulisan lamang kini. Usahay ba, kining mga lagda nga ingon niini, impractical. Nganong impractical man? Kay kining mga magtiayon inig abot sa balay, magduol ug magdulog. So, way pulos lang gihapon.
ORDER SA KAPULISAN
Usbon nako nga lagda lang kini sa atong kapulisan. Bisan unsa sa kalibutan gikinahanglan gyud kanang gitawag og kredibikidad. Kini nagpasabot sa pagkakasaligan ug pagkakatuhuan. Dunay usa ka survey nga gihimo nga gitawag og the leadership challenge. Diin 100,000 ka mga tawo ang gipangutana sa mga scholar nga sila si James Kouzes ug Barry Posner. Ang survey kabahin sa unsa ang giila nga labing unang characteristic sa ilang gidayig nga mga world leader? Ug ang nag-unang tubag mao ang pagka-credible sa usa ka leader. Ang tanan nagtuo nga ang labing maayong taras sa atong mga leader mao ang pagka-katuhuan ug pagka-credible. Mao nga ato kining ipangutana sa publiko kon kining mga endorser sa ideya nga did-an ang tanan sa pag-pakita sa ilang public affection maka-apekto ba sa imahin ug katuhuan ba?
Mohalin kaha ang ilang gibaligya kanato kon atong hilngon ug timbang-timbangon ang ilang pagkamatinud-anon sa uban nilang kampaniya nga tokhang, drug war ug sa mga nangamatay gumikan kay misukol sa mga awtoridad. Tingali una sila magpatuga-tuga pag- kumbinsir kanato sa ilang linya, ato una silang pahinumduman ning maong linya; ‘Credibility is a leader’s currency; with it, he or she is solvent. Without it, he or she is bankrupt.’ (bobbygnalzaro@gmail.com)