SUWAYAN karong adlawa, Marso 15, sa Cebu South Bus Terminal (CSBT) ang pagpatuman sa centralized automated ticketing system.
Kini alang sa paghatag og kahibalo sa bus operators, mga personnel sa terminal ug sa mga pasahero sa dili kini hingpit ipatuman sa Abril 15.
Subay niini, gilaoman ang pagpinirmahay na og kasabotan sa CSBT ug ang Topline Hightech and Synergy Corporation uban sa bus operators.
Sa bag-ong mga pamaagi, gimando ni Cebu Governor Gwendolyn Garcia nga dili na usab makasulod sa CSBT ang tanan nga bus lines nga wala makapirma og kasabotan tali sa Topline.
Base sa kasabotan, ang Topline maoy modawat sa bayad sa mga pasahero gamit ang automated cards, diin largo usab nga i-remit ang koleksyon sa plitehan ngadto sa bus companies.
Gipanglantawan nga makatabang a estriktong pagsubay sa health protocol. (ARV)