Ang Cebu City Disaster Reduction Management Office (CCDRMO) nakaangkon sa labing una nilang firetruck nga ilang magamit sa pagtabang sa pagkombate sa kayo kon dunay sunog.
Si CDRRMO head Ramil Ayuman niingon nga ang truck napalit sa Siyudad og P10 million.
Ang truck gidawat sa miaging semana sa mao nga buhatan, pinaagi usab sa pagsuway sa kapabilidad niini sa firefighting.
Ang administrasyon ni Mayor Edgardo Labella nipalit sa firetruck isip tipik sa modernisasyon sa CDRRMO, nag-unang buhatan sa Kagamhanan sa Siyudad sa pagpangandam sa bisan unsa nga katalagman ug pagtubag sa nagkadaiyang mga emerhensya.
Gawas sa firetruck, ang CDRRMO dunay mga heavy equipment, sama sa backhoe, nga gipamutang sa strategic nga mga lugar sa siyudad alang sa mas paspas nga pagresponde, sama sa mga landslide. (REV)