SUPERBALITA CEBU

WFH sa lapu sa seniors, PWD

GUMIKAN sa padayong pagsaka sa kaso sa coronavirus disease 2019 (Covid-19) sa dakbayan sa Lapu-Lapu, gikonsiderar sa kagamhanan ang pagpaubos sa mga empleyado sa work from home (WFH) set-up.

Apan ang makanepisyo niiini mao lang kadtong mga kawani sa City Hall nga senior citizens na ug persons with disabilities (PWDs) aron malikay sila sa naasoyng virus.

Matod ni Lapu-Lapu City Mayor Junard Chan nga mao kini ang sugyot sa mga eksperto sa panglawas sa dakbayan.

Sulod na sa pipila ka semana nga double digit ang kaso sa dakbayan sa Covid-19 ug aduna usay mga empleyado nga nagpositibo sa miaging mga adlaw.

Laing gitan-aw nga rason kalabot niini, sumala ni Chan, mao ang presensya sa duha ka Covid mutations sa dakbayan, sumala sa Department of Health (DOH 7)..

Buot sa mayor nga makapadayon sa pagserbisyo ang mga empleyado sa City Hall niining panahon sa pandemiya bisan mas maayo sa naasoyng sakit.

Nadesisyonan siya nga senior citizens lang ug PWDs ang ipaubos sa WFH set-up sanglit mas risgo sila sa naasoyng sakit itandi sa uban.

Sa pagkakaron, adunay 893 ka aktibong kaso ang dakbayan sa Covid-19 apan malaumon ang mayor nga inanay kining mokunhod sa mosunod mga adlaw hilabi na nga mag duha ka semana na ang pagpatuman sa kagamhanan sa estriktong pagsul-ob sa face mask gawas sa panimalay.

“Para dili kaayo crowded ang atoang City Hall and we also encourage uban nga non-essential if possible nga they can work at home kung naay mga trabahante nga mahimo ra sa balay the better kay mas safier kung naa sa panimalay,” matod ni Chan sa Superbalita Cebu. (GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!