Dako ang posibilidad nga mag-atbang sila si Cebu City Mayor Edgardo Labella ug Vice Mayor Mike Rama alang sa pagka mayor sa dakbayan sa 2022 elections.
Si Rama niadto pa untang 2019 elections moatbang ni Labella. Dugay na siya gasuroy-suroy sa mga barangay apil na gani didto sa kabukiran.
Sa body language sab ni Rama, klaro ug manungag sab sa pagpadagan ni Labella sa siyudad. Mora og alang ni Rama nga mas maayo pa siya ikompara ni Labella sa liderato ug pagda sa manubela.
Aron mas molig-on ang kampo ni Rama, dunay posibilidad nga mag-alyansa sa BOPK ni Tomas Osmeña.
Si Osmeña dako og kaligutgot ni Labella kay gipildi sa 2019 nga election sa pagka mayor. Apan ang bintaha naa gihapon ni Labella, kay anaa man kini sa partido sa administration.
Gawas niini, si Labella nakapakita og maayong trabaho. Ingon man sa krisis tungod sa pandemic sa Covid-19, naka pakita og labok si Labella.
Posibling si Konsehal Raymond Garcia, majority floor leader sa konseho, maoy mamahimong bise mayor ni Labella kon di modayon sa pagdagan sa pagka kongresista sa north district.
Samtang sa habig ni Rama, mitumaw ang pangan ni Konsehal Niña Mabatid.
Kon padaganon ni Osmeña si Kongresista Bebot Abellanosa ug Konsehal Franklin Ong sa pagka mayor ug bise mayor ubos sa BOPK, mahimong 3-cornered fight.