Pulis sa Carmen ipataktak sa PRO 7

Ipataktak sa serbisyo sa hepe sa Police Regional Office 7 ang chief intelligence officer sa Carmen Police Station nga nadakpan sa entrapment operation sa mga sakop sa Integrity Monitoring and Enforcement Group 7 human giingong nangilkil sa inahan sa ilang dinakpan.

Matod ni Police Brigadier General Ronnie Montejo nga grave offense ang giatubang nga kaso ni Police Executive Master Sergeant Julius Obañana.

Gimandoan na usab niya ang Personnel Division sa PRO7 nga ipaputol na ang sweldo sanglit no work, no pay ang kapulisan.

Iya kining gihimo aron ipakita nga seryuso sila sa ilang internal cleansing sa hut-ong sa kapulisan. “Ato nang gi pa cut iyang salary kay no work, no pay. Ing-ana ta sa mga mosupak sa directives, labi pa kon gikan sa national office,” matod ni Montejo.

Dugang ni Montejo nga di na siya mohatag pag warning sa mga pulis nga maghimog illegal nga kalihukan sanglit aduna na siyay kamandoan sa IMEG 7 nga kon adunay mga pulis nga naghimog illega,l human mapaubos sa imbestigasyon, diretsuhon nag dakop ug ipataktak sa serbisyo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph