Danieca Arreglado Goc-ong ‘viral singing teacher ng Cebu’

CEBU. Danieca Arreglado Goc-ong o Teacher Dan. (Tampo nga hulagway)
CEBU. Danieca Arreglado Goc-ong o Teacher Dan. (Tampo nga hulagway)

“LAUGHTER is the best medicine.”

Mao ni ang mensahe ni Teacher Dan sa iyang mga alegreng video nga nag-viral karon ning panahon sa pandemya.

Ang unexpected internet sensation nga si Teacher Dan nisikat tungod sa iyang mga guwatsinanggong musical tutorials sa iyang @danvibes_official sa TikTok ug ubang social media platform nga mokabat na sa 3.6 million ang views.

Si Danieca Arreglado Goc-ong sa tinuod nga kinabuhi nagkanayon sa Superbalita Laysho nga kining iyang comedy act “one take” ra tanan ug kining mga termino nga gikahimut-an karon sa mga netizen sama sa “volumatic” ug “jump your voice” namugna ra niya dihadiha.

Ang 24-anyos nga Cebuana natawo ug nidako sa Jubay, Liloan ug niadtong 2017 sa dihang nakapasar siya sa Licensure Examination for Teachers (LET) apan tungod niining pandemya wala na ma-renew ang iyang kontrata sa pribadong eskwelahan nga iyang gitudloan hinungdan nga usa sa iyang nahimong kalingawan ang mag-Tiktok nga wa niya damhang mobukas niya og bag-ong oportunidad.

Bisan sa national television kanunay siyang naa sa mga balita sama sa 24 Oras, TV Patrol ug CNN Philippines. Nigawas sad siya via online guesting sa It’s Showtime, Magandang Buhay, Mars Pa More, Sakto ug Brigada sa GTV.

Di pa man tuod sigurado kon asa ni kutob ang iyang popularidad apan angayan lang siyang pasidunggan dili lang sa iyang diskarte ug talento isip magtutudlo, apan isip babaye nunot niining Women’s Month Celebration nga gisaulog sa tibuok buwan sa Marso.

Sa labing unang higayon ilailaha kon kinsa si Teacher Dan ug unsay nagpaluyo nga estorya sa iyang mga nag-viral nga video sa atong exclusive one-on-one interview. Danieca Arreglado Goc-ong, Ssssuper Ka!

Kanus-a ka nagsugod aning Tiktok?

August last year. Ang akong mga video inspired na sa life sa mga maestra ug kanang kanta nga mapiyok tinuod na nga nahitabo.

Unsay imong gi-teach sa una?

Filipino, Araling Panlipunan, Values ug Mapeh. Graduate ko og Bachelor of Elementary Education sa CTU-Danao.

Duna kay scriptwriter sa imong mga Tiktok?

Wala. Akoa ra jud na tanan. Akoy buhat, akoy edit, akoy moarte.

Naa kay background sa acting?

Wala sad. Pero sa una nag-director kog theater play sa school. Charrr! Haha!

How do you describe yourself?

Sipat, positive always lang unya malipayon bisag way sapi.

Kon kuhaon kang artista andam ka molupad sa Manila?

Luparon uyy, ayaw lang swab, sakitaaaa guro. Ang tinuod naay nikuha nako pero secret pa.

Pila mo ka managsuon?

Ikapito ko sa 10. Youngest namo is 16 years old.

Ikay bread winner?

Sort of... akong mama namaligya og kandila sa simbahan sa Liloan unya akong papa tigsag-ub og tubig usahay mamasahero. Namaligya sad kog kandila sa una uy.

Unsay gihimo nimo sa imong first earning as Tiktoker?

Nagpalit kog printer ug photocopier unya tabang ko paayo sa among balay.

Unsay nausab sa imong life karon nga sikat na ka?

Normal ra man kaso daghan nang nakaila ug makalipay kaayo. Kon duna koy lakaw mag-commute gihapon. Oo, naka-experience ko ana nga kagubtan ko ug dunay magpapicture.

Aside from doing videos unsa pay imong gikabisehan karon?

Duna koy printing business ug namaligya kog school supplies sa balay.

Are you in a relationship?

Yes. 3 months in courting unya 4 months in a relationship. Nagkaila mi sa akong boyfriend sa Facebook ra sad kay na-hack man akong page unya iya kong gitabangan.

Kinsay imong mga idol nga singer?

Sarah G., Moira, ug Morissette. Pero sa artista si Alex Gonzaga kay joker.

Naa pa kay plan mobalik pagka-maestra?

Depende sa opportunities nga moabot pero mobalik ra gihapon kog tudlo puhon.

Message nimo sa fans?

Salamat kaayo ninyong tanan, padayunon ko ni akong nasugdan kay temporary ra baya ang tanan, amping mo kanunay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph