Banakon nanghasi

Pinaambit ni Mila Igsong
Pinaambit ni Mila Igsong

GIKALISANG sa mga sibilyan ang pag-atake sa lala nga bitin alas 4:00 sa hapon, Miyerkules, Marso 17, sa usa ka sitio sa barangay sa Magpet, North Cotabato.

Matud ni Minda Igsong, nagpuyo sa Sitio Buay-Buay, Barangay Basak sa maong lungsod, nga pauli na sila sa ilang balay gikan sa ilang maisan, uban ang mga mag-uuma nga ilang silingan.

Kalit lang mibutho daplin sa kalsada ang dako ug taas kaayong King Cobra o banakon.

Sa ilang kakurat, mikaratil sila og dagan paingon sa ilang mga gipuy-an apan gigukod sila sa halas nga taas og bangkil aron tukbon.

Abtik nga milihok ang kalalakihan sa ilang sitio ug gitabangan og puspos ang halas unya gitigbas gamit ang lagaraw hinungdan nga ila kining napatay.

Kahinumdoman nga dunay napatay na nga mga molupyo sa probinsiya sa Cotabato ilabi na kadtong namuyo sa tiilan sa Mt. Apo human mapaaki sa banakon.

Nagpasidaan si Magpet Mayor Florentino Gonzaga sa mga molupyo sa hilit nga dapit sa lungsod nga dili mokompiyansa ug mag-amping kanunay batok sa banakon. (Edgar E. Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph