NAKATALA og siyam ka mga bag-ong kaso sa coronavirus disease (Covid-19) ang Cagayan de Oro, pulos mga local transmissions, sumala sa report sa City Health Office Huwebes, Marso 18.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 3,971.
Sumala ni City Health Officer Dr. Lorraine Nery, sa siyam ka mga bag-ong lokal nga kaso, usa ang lokal authorized person outside residence (Apor), upat ang mga local index nga mga kaso, tulo ang mga local case with link, ug usa ang person deprived of liberty (PDL).
Sa 3,971 nga kinatibuk-ang kaso sa Covid-19 sa syudad, 423 ang mga returning overseas Filipino workers/locally stranded individuals (ROFs/LSIs) ug 3,548 ang mga local transmissions.
Matud ni Nery, sa 3,971 nga mga local nga kaso, 187 ang mga persons deprived of liberty (PDLs), 1,901 ang mga local index cases, ug 1,459 ang mga local cases with link.
Ang Cagayan de Oro adunay 150 ka mga active cases, 55 niini na-admit sa Northern Mindanao Medical Center ug uban pang mga ospital sa syudad, 94 ang mga outpatients, ug usa ang ROF.
Nakatala usab og siyam ka mga Covid-positive nga mga kaso nga karon naka-recover. Anaa na karon sa 3,632 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,211 ang mga lokal nga kaso (community: 2,713; Apors: 498).
Ang recovery rate sa Cagayan de Oro anaa na sa 91.46 percent.
Ang ihap sa mga namatay sa Covid-19 sa syudad naa sa 189.