SUPERBALITA CEBU

Dalaga nga bike rider, 50 anyos nga lalake diay?

Daghan ang nangailad ining usa ka ‘maanyag’ nga dalagang Haponesa sa social media.

Usa siya ka motor rider nga nisikat sa online apan wa nahibaw-i sa kadaghanan, usa diay siya ka lalake.

Nisikat siya sa Twitter human kanunayng magpost og life updates nga nakajacket o adunay hulagway sa iyang mga Yamaha nga motor.

Apan ang uban niyang mga follower nagduda nang daan tungod kay lahi ang repleksyon niini sa samin.

Usa ka Japanese entertainment TV show ang nangita sa maong twitter user, ug mismong sa ilang show, gibutyag ang iyang tinuod nga pagkatawo.

Daghang wa katuo sa “ultimate catfish” moment sa TV.

Ang lalake nga ginganla’g Zonggu, 50, tiggamitan diay og editing apps sama sa FaceApp aron siya mo-transform sama sa usa ka maanyag nga dalaga tungod kay matod pa way gustong makakita og tiguwang nga uyuan.

Nidaghan iyang fan tungod niini apan daghan sab sa iyang fans ang nagduda sa iyang pagkatawo tungod sa ubang mga kadudahan nga picture.

Dugang ni Zonggu nga nigamit siya sa mga face changing app aron mosikat sa social media aron motaas ang engagement sa iyang mga posts.

Iyang gibutyag sa TV show nga nalingaw siya sa “online celebrity” status.

Nag-viral siya sa dihang gipagawas ang episode sa TV show diin libuan ang nidayed sa iyang transformation ug editing skills sa paghimo sa iyang kaugalingon isip usa ka maanyag nga babaye. ( DailyMail)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph