SUPERBALITA DAVAO

Delos Reyes: Carpio vs Carpio sa 2022

Yanong Pagsabot

MAAYONG adlaw mga Supersuki.

Lisud sabton ang dagan sa atong panahon karon tungod sa kalit-kalit nga pagbag-o sa panahon, gikan sa labihan ka init ug kalit lang pagbundak sa ulan.

Kon dili t

a mag-amping, lagmit mosangko sa kalintura ug posible nga ideklara ta nga Covid-19 positive kon dalhon na ta sa ospital.

Nagkaduol ang bulan alang sa mga kandidato sa pag-file sa ilang Certificate of Candidacy alang sa 2022 Presidential Elections. Nagkainit na sab ang politika.

Gisugdan paglusad ni retired Supreme Court Justice Antonio Carpio ang puwersa sa oposisyon nga gipanganlan nga 1Sambayan coalition, aron usahon ang puwersa sa oposisyon paghugno ug wagtangon sa gahum ang galamay ni President Rodrigo Duterte ug langkaton sa Malacan~ang.

Gilangkuban kuno sa mga competent nga mga kandidato, limpyo ang record nga maoy modumala sa kagamhanan sunod nga administrasyon ang ilang ginahanyag.

Hinuon, gisaway ni Davao City Mayor Sara Duterte-Carpio ang maong lakang tungod dili alang sa kalamboan sa nasud ang iyang nakita kay dili panaghiusa ang ilang ginapanawagan sa katawhan. Posible nga mga personal nga katarungan ug panimalos ang nagpaluyo sa kalihukan tungod kay wala sila makaangay sa administrasyon.

Ang mga personahe nga ginakonsidera sa 1Sambayan nga padaganon kontra sa mahimong kandidato sa administrasyon sila ni Vice President Leni Robredo, Antonio Trillanes IV, Mayor Isko Moreno ug Grace Poe nga posibleng i-atbang kang Mayor Sara.

Kon si Trillanes ang mahimong sunod nga Presidente sa nasud, unsay posible nga mahitabo? Mamahimong usa ka gobyerno sa pagpanimalos, dili pagpalambo sa nasud ang unang tumong.

Daan nang nagbahad si Trillanes nga iyang ipabilanggo si President Digong kon mokanaug na kini sa Malacanang.

Namahayag ang 1Sambayan nga wala nila giapil si Mayor Sara ug Senador Manny Pacquiao sa ilang mga ituboy tungod sa ilang koneksiyon kang President Digong.

Tinuod ba nga limpyo, wa maduhig sa kurapsiyon ug kabuang ang mga pangalan nga buot suportahan ug ituboy sa 1Sambayan Coalition?

Mga pangalan nga apil sa pagmugna sa mao nga grupo mao ang mga kanhi naghupot og posisyon sa mga buhatan sa gobyerno sa administrasyon ni President Benigno Aquino apil ang pipila nga gikan sa grupong walhon.

Kon popularity ug integridad ang basihan, mas lamang si Mayor Sara ug mas daghan ang nagahandom nga siya maoy mopadayon sa kalamboan nga gisugdan sa iyang amahan. Nailhan siya nga maoy nagtuboy sa mga kandidato sa administrasyon ubos sa Hugpong ng Pagbabago nga milampurnas sa mga kandidato sa Otso Diretso.

Sa pamahayag ni Mayor Sara nga 2034 pa ang iyang ginakonsidera nga modagan, daghan ang migawas aron awhagon siya ug namugna ang "Run, Sara, Run" Movement nga nagatuyok karon sa tibuok nasud aron pagkuha og dugang suporta sa katawhan nga moduyog sa ilang singgit panawagan.

Samtang panawagan ang "Run, Sara, Run" Movement, mitumaw si retired Chief Justice Carpio aron babagan ug awhagon ang katawhan nga dili mosuporta sa mga kandidato nga dunay koneksiyon kang President Digong.

Kon magdumili pagdagan ang mga gikonsidera sa grupo nga mga kandidato, posible ang kanhi chief justice ang modawat sa hagit.

Puwede nga magtigi si Mayor Sara kontra sa iyang uyoan (sa iyang bana) nga nagkanayon nga mohanyag sa mas maayo nga kandidato kay sa mga "authoritarian" nga kandidato sa administrasyon.

Pamaagi sab sa uban nga mopadagan og lain nga kandidato nga pareha ang bansagon aron bulabugon ang mga boto o pag- inbalido.

Kon mogamit si Mayor Sara sa bansagon nga Carpio ug kon modagan sab si Ret. Justice Carpio sa pareha nga position. Bisan pa kon sa balota nga gigamit na sa Commission on Election (Comelec) ang basihan, posible gihapon nga dunay mga boto nga masayang kon dili mag-igmat ang botante sa iyang markahan.

Hinuon, mas naila ang bansagon nga Duterte hinungdan nga sa atong yano nga pagsabot, maoy gamiton ni Mayor Sara kon modagan ug mosanong siya sa panawagan sa katawhan nga "Run, Sara, Run."


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph