DUGANG 13 ka mga bag-ong kaso sa coronavirus disease (Covid-19) ang natala sa Cagayan de Oro, pulos mga local transmissions, sumala sa report sa City Hea lth Office Miyerkules, Marso 24.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 4,037.
Sumala ni City Health Officer Dr. Lorraine Nery, sa 13 ka mga bag-ong lokal nga kaso, usa ang lokal authorized person outside residence (Apor), pito ang mga local index nga mga kaso, ug lima ang mga local cases with link.
Sa 4,037 nga kinatibuk-ang kaso sa Covid-19 sa syudad, 425 ang mga returning overseas Filipino workers/locally stranded individuals (ROFs/LSIs) ug 3,612 ang mga local transmissions.
Matud ni Nery, sa 3,612 nga mga local nga kaso, 189 ang mga persons deprived of liberty (PDLs), 1,933 ang mga local index cases, ug 1,488 ang mga local cases with link.
Ang Cagayan de Oro adunay 139 ka mga active cases, 44 niini na-admit sa Northern Mindanao Medical Center ug uban pang mga ospital sa syudad, 92 ang mga outpatients, ug tulo ang mga ROFs/LSIs.
Nakatala usab og 17 ka mga coronavirus-positive nga mga kaso nga karon naka- recover. Anaa na karon sa 3,706 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,285 ang mga lokal nga kaso (community: 2,776; Apors: 509).
Ang recovery rate sa Cagayan de Oro anaa na sa 91.80 percent.
Ang ihap sa mga namatay sa Covid-19 sa syudad naa sa 192.