PADAYON ang pag-ubos sa ihap sa mga bag-ong kaso sa coronavirus disease (Covid-19) sa dakbayan human nakatala ang Cagayan de Oro og 11 lamang ka mga lokal nga kaso.
Miabot sa 4,060 ang kinatibuk-ang ihap sa mga kaso sa Covid-19 sa dakbayan, ug ang mga aktibo nga kaso anaa sa 145.
Sumala sa report sa City Health Office, nakatala ang syudad og upat ka mga local cases with link, tulo ka mga lokal nga authorized persons outside residence (Apors), ug upat ka local index nga mga kaso.
Matud ni Acting City Health Officer Dr. Lorraine Nery, sa 4,060 nga kinatibuk-ang kaso sa Covid-19, 426 niini mga ROFs/LSIs ug 3,634 ang mga local transmissions.
Sa 3,634 nga mga local nga kaso, 189 ang mga persons deprived of liberty (PDLs), 1,946 ang mga local index cases, ug 1,497 ang mga local cases with link.
Ang Cagayan de Oro adunay 145 ka mga active cases, 49 niini na-admit sa Northern Mindanao Medical Center ug uban pang mga ospital sa syudad, 93 ang mga outpatients, ug tulo ang mga ROFs/LSIs.
Nakatala usab og lima ka mga coronavirus-positive nga mga kaso nga karon naka- recover. Anaa na karon sa 3,723 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,302 ang mga lokal nga kaso (community: 2,788; Apors: 514).
Ang recovery rate sa Cagayan de Oro anaa na sa 91.69 percent.
Ang ihap sa mga namatay sa Covid-19 sa syudad naa sa 192.