Ika-500 ka tuig nga kasumaran sa Kristiyanismo sa Abril 4, 2021. Gisugdan ang 100-day countdown sa Liberty Shrine sa Mactan nunot sa pagpagawas sa Bangko Sentral sa P5,000 Lapulapu bill. Unang bayani si Lapulapu nga misukol sa Portuguese, Ferdinand Magellan ,sa Kadaugan sa Mactan.
Apan sumala sa National Historical Commission,ang unang misa ni Magellan sa Limasawa, Leyte sa Marso 1521 atol sa Dominggo de Gloria.
Nangulo sa kalihokan ang Santo Niño 500 Committee ug Lapu-Lapu Quincentennial Committee. Giabagan sa Catholic Bishops Conference of the Phil. (CBCP) pinangulohan ni Davao Archbishop Romulo
Valles. San Sebastian El Cano nga barko misuhid sa rota nga gitaak sa delegasyon ni Magellan.
Ang Kristiyanismo migamot sa kabaybayonan sa Sugbo maong giisip nga cradle of Christian civilization ug ang archdiocese giisip nga kinadak-an sa nasod nga daghan ang Katoliko, seminarians ug kaparian. Misanay sa kaislahan. Ang balaang imahen ni Señor Santo Niño gitugyan ni Antonio Pigafetta, tigsuwat sa Magellan expedition ngadto nila ni Rajah Humabon ug Rayna Juana nga unang nagpabunyag ug nagpakasal.
Sa 2012 ang CBCP mipagawas og pastoral letter sa siyam ka tuig sa espiritohanong panaw alang sa new evangelization ubos sa lainlaing tema. Integrated Faith Formation sa 2013. The Laity sa 2014.
The Poor sa 2015. The Eucharist and The Family sa 2016. The Parish as a Communion of Communities sa 2017. The Clergy and The Religious sa 2018. The Youth sa 2019. Ecuminism and Inter-Religious Dialogue sa 2020. Mission to the Nations sa 2021 nga gitawag og Jubilee Year.
Gisugdan ang pagbutang og dakong estatuwa sa Divine Mercy sa Garing, Consolacion silbing Light of the World. Isunod sa San Remigio sa obra ni Architect Felino Jun Palafox nga mamahimong landmark sa Sugbo, simbolo sa pagtuo sa Ginoo. Kini maoy dugang sa dagkong estatuwa sa Divine Mercy sa Bulacan ug Cagayan de Oro.