Basil: Awit sa pandemya

Manila - Imposible ang physical concert karong panahuna, pero dili kini rason para mohunong sa pagpakita sa ilang talento ang mga concert performers kay anaa may gitawag og virtual concerts.

Sa kasamtangan, daghan nang sikat nga concert performers ang mipahigayon og virtual concert ug may mga bentaha kini.

Una, dili na nimo kinahanglang mogawas sa balay (delikado pa ra ba gyud, basin matakdan ka og Covid), watch ka lang sa laptop, dili lang ikaw kundi tibuok pamilya na nimo ang makalantaw.

Kaming mga taga-PMPC, mosuway niining bag-ong nausong platform ug sa April 18 ipahigayon ang among virtual benefit concert nga giulohan og “AWIT SA PANDEMYA” ug ang proceeds niini, mapunta sa mga senior members sa among club nga kapin sa tuig nang way income unya may maintenance pang tambal para sa ilang mga sakit.

Nagpasalamat kami sa mga artists nga sa dihang gilatagan namo sa among proyekto, way duha-duha, ming-commit dayon sa ilang kaugalingon para maging parte sa nahisgutang virtual concert for a cause.

Daghang salamat kang Alden Richards, Christian Bautista, Jed Madela, Gerald Santos, Ima Castro, Luke Mejares, Jeric Gonzales ug Ms. Kuh Ledesma isip main artist sa “AWIT SA PANDEMYA.”

Daghang salamat usab sa among mga front acts nga sila si JV Decena, Gari Escobar, Christi Fider, Joaquin Garcia, Jos Garcia, Sarah Javier, Charo Laude, Diane De Mesa, Renz Robosa, Lil Vinceyy, ug Zcentido.

Bisan og nasa Visayas , Mindanao ug sa uban pang parte sa kalibutan, makatan-aw kamo sa “AWIT SA PANDEMYA,” just visit ticket2me.net. for ticket inquiry.

Ang nahisgutang virtual concert proyekto kini sa PMPC Special Project Committee.

Ang among Over-all Chairman/ President, Roldan Castro; Chairman/Vice President, Fernan de Guzman; Co-Chairman, Rommel Placente; Members, Rodel Fernando, Boy Romero, Mildred Bacud, Timmy Basil, ug John Fontanilla; Publicity & Promotions; PMPC Officers & Members.

So, it’s a date ha, sa April 18, maghugop ta og tan-aw sa “AWIT NG PANDEMYA.” Ang oras, makita kung makapalit na kamo og ticket.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph