ANAA na sa 4,070 ang kinatibuk-ang ihap sa mga kumpirmadong kaso sa coronavirus disease 2019 (Covid-19) sa Cagayan de Oro human nagpositibo sa Sars-CoV-2 ang 10 ka mga residente sa dakbayan.
Matud sa City Health Office, sa 10 ka mga bag-ong mga kaso, lima ang mga local cases with link ug lima ang mga local index nga mga kaso.
Sa 4,070 nga kinatibuk-ang kaso sa Covid-19 sa syudad, 426 ang mga returning overseas Filipino workers/locally stranded individuals (ROFs/LSIs) ug 3,644 ang mga local transmissions.
Aduna nay 154 ka mga aktibong kaso ang Cagayan de Oro diin 53 niini na-admit sa Northern Mindanao Medical Center ug uban pang mga ospital sa syudad, 98 ang mga outpatients, ug tulo ang mga ROFs/LSIs.
Gawas niini, aduna sab natala nga usa ra ka pasyente nga naka-rekober na. Sa karon, anaa na sa 3,724 ang ihap sa mga nakarekober nga mga kaso sa dakbayan.
Sa maong numero, 302 ang mga LSIs, 119 ang mga ROFs, ug 3,303 ang mga lokal nga kaso (community: 2,789; Apors: 514).
Ang recovery rate sa Cagayan de Oro anaa na sa 91.49 percent.
Niabot sa 192 ang ihap sa mga namatay sa Covid-19 sa syudad.