SUPERBALITA CEBU

Martin: Makan5 kabahin diay sa theme park

MAKAN5 Unlimited Seafood sa Jubay Liloan. / FACEBOOK

Tagming

Personal nakong nahinabi ang celebrity chef nga si Marc Cuizon nga nag-abli sa iyang ikalimang branch sa Makan nga gitawag og “Makan 5 Unlimited Seafood Restaurant” (kilid sa Wiggys Beach Resort) along the highway sa Jubay, Liloan.

Sukad ni giablihan niadtong Marso 20, wa gyuy hubashubas ang mga nangaon tungod kay di lang unlimited seafood kundi unlisugba pa ug unli-drinks sa presyong P499 ra.

Pagpangaon namo didto nagbaha ang lambay, nukos, pasayan, baked scallops ug init kaayong larang. Lamia! Sud lang gud sa usa ka semana nakatigum dayon sila og P3,551 sa tip lang. Apan kini diay “Makan 5” tip of the iceberg ra ni kun sa English pa kay ongoing karon ang construction aning kilid sa Makan5 aron i-convert ang bakanteng 1,800 square meters ngadto sa usa ka entertainment park.

Kini mag-feature sa ilang robotic life-size dinosaurs, dragons, giant mushrooms, giant turtle nga dunay gitas-on nga 10 feet ug daghan pa kaayong amazing creatures.

“Magical Fortress ang name sa theme park pero ang whole area is called The Northern Point Jubay Liloan. Target date namo ni ablihan karong September. Mao na unya ni bag-ong tourist attraction dinhi sa amihanang bahin sa Sugbo,” ni Chef Marc nga excited jud sa iyang higanteng proyekto.

Very colorful sad kaayo og lifestory si Chef Marc pang-teleserye pero sa sunod na lang pud ta mag-chika ani. Abli ang Makan5 karong Huwebes Santo ug Biyernes Santo. Basin masaag mog Liloan hapit nya mo ha!

LOVE OR MONEY

Nagpadayon karon ang streaming sa pelikulang “Love or Money” nilang Coco Martin ug Angelica Panganiban. Sa direksyon ni Mae Cruz Alviar, naghubit ni sa mag-ex lovers nga nagkita sa Dubai tulo katuig human sa ilang magical night.

Ang powerhouse cast naglakip nilang Gelli de Belen, Ketchup Eusebio, Cai Cortez, Matet de Leon, Dante Rivero, Teresa Loyzaga ug Pinky Amador. Bisitaha ang http://solo.to/cinexpress alang sa inyong movie pass.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph