SUPERBALITA CEBU

Daclan: Coco ug Julia moangkon na pod

Coco Martin ug Julia Montes / (Tampo)

Ayg saba!

Coco Martin ug Julia Montes mo-angkon na kaha sa ilang tinuod gyud nga relasyon?

Mao kini ang kisaw karon sa katawhan sukad nga nagpakita ang duha nga nag-uban sa social media.

Kon wa ko masayop wala pa ang “FPJ’s Ang Probinsyano” gidungog na nga nanguyab ug may relasyon na ang Coco ug Julia apan walay tubag ani ang duha.

Padayon ang mga hungihong nga lagi nagpuyo na ug may anak na sila pero wala man sab tay nadunggan nga kompirmasyon gikan nila.

May tsika pa nga nakit-an ang duha uban ang ilang tagsa-tagsa ka pamilya nga nag-uban gawas sa nasod apan wala man gyud tay nadawat nga pag-angkon gikan kanila.

Pulos ra gyud mga tabi-tabi ug espekulasyon ang atong nakuha, gani gusto na sa madlang pipol nga unta moangkon na ang Coco ug Julia sa tinuod nilang relasyon.

Hangtod karon nga nakita na gyud ug napamatud-an nga nag-kuyog silang Coco ug Julia nga nangadto og Boracay.

Daghan ang nakakita kanila ug may mga pictures pa sa social media nga sila gyud ang nag-uban bisan pa man og may face mask ug face shield kini.

Misamot pa nga natubag nga tinuod ang tanan sa mga video greetings post nila nga atong nakita sa Instagram.

Mao na kaha kini ang sinugdanan nga hinay-hinay na nilang atubangon kon unsa may tinuod sa ilang relasyon.

Daghang nalipay niini labi na ang fanatics ug nagsuporta kang Coco ug Julia.

Dili na gyud kaha nila ihimakak ug i-deny ang tinuod nga estado sa ilang kasingkasing?

Kining tanan atong manuntan ug matubag sa umaabot nga mga adlaw, di buh, Ay’g Saba!

* * *

Sa vlog ni Alex Gonzaga gitubag ni Toni Gonzaga ang mga isyu ug tsismis niadto mahitungod sa away nilang magtiayon tungod sa third party.

Matod pa ni Toni nga dili kini tinuod, may mga ginagmay nga away silang magtiayon pero natural lang kini.

Gipamatud-an usab kini ni Alex nga wala gyud kini mahitabo, kay kon tinuod pa kini, siya kuno mismo ang moatubang ug makig-away kang Paul nga bana ni Toni, Ay’g Saba!

* * *

Unsa may dautan kon “Instant Tatay?”

Mao nay pulong ni Derek Ramsay sa usa ka komento sa Instagram post niini.

Ang post man gud atol sa selebrasyon sa birthday ni Ellen Adarna kauban niini si Derek ug ang anak niini kang John Lloyd Cruz nga si Elias.

Dinhi may mikomento maong wa sab palabya dayon ni Derek ug gitubag ang netizen kon naa bay ngil-ad kon instant family sila, korek!

Karon sa laing post ni Ellen nga may picture pa “engage” na sila ni Derek.

True nagpropose na kaniya ang lalake ug yes ang tubag sa babaye. Guapa gyud ka, Dai, ay’g saba!


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph