SUPERBALITA CEBU

Barrita: Suroy-Suroy sa Sugbo ipadayon

Tikdul-Tikdol

ANG Suroy-Suroy sa Sugbo usa sa mga programa sa turismo ni Cebu Governor Gwendolyn Garcia aron maugmad ang mga lugar sa turismo sa lalawigan sa Sugbo. Ang turismo usa sa mga haligi nga nagpabarog sa ekonomiya sa Sugbo.

Apan ang industriya sa turismo usa usab sa unang nahagsa tungod sa Covid-19 pandemic. Sanglit ang lalawigan sa Sugbo ubos na sa modified general community quarantine (MGCQ), naglaraw si Governor Gwen nga ipadayon ang pag-promote sa Suroy-Suroy ngadto sa mga lalawigan sa Luzon nga ubos usab sa MGCQ.

Wa pay labot niini ang National Capital Region (NCR) ug ang kanait nga mga probinsya sa Cavite, Laguna, Bulacan ug Rizal nga ubos sa mas higpit nga enhanced community quarantine hangtod sa Abril 11 tungod sa pagsulbong sa mga kaso sa Covid-19.

* * *

Daghang mga maanindot nga mga lugar sa lalawigan sa Sugbo nga angay bisitahan sa mga turista, lokal man o langyaw. Sama sa Mantayupan Falls sa lungsod sa Barili ubos ni Mayor Julie Flores ug sa naila na kaayong Kawasan Falls sa lungsod sa Badian.

Alang niadtong mga adbenturero, dunay mga busay sa lungsod sa Samboan nga daw sa nagpangamay kanila, sama sa Aguinid Falls ug sa Dau Falls. Sa Aguinid Falls, mag-aginod ka sa pagsaka sa busay. Sa Dau Falls, mag-abot ang imong suwang ug tuhod.

Gipasusi usab sa gobernador ang ubang mga lugar sa turismo sa mga kalungsoran aron kini ma-develop. Mas daghan ang tourism sites, mas daghan ang mobisita. Sa Tinagalog pa, “ibigay ang hilig,” sa ilang gustong bisitahan.

* * *

Si Governor Garcia niingon nga nakigsabot na siya sa Department of Tourism (DOT) ug sa airline companies nga mo-offer gihapon og samang plitehan alang sa ubang mga lugar bisan og sa Clark International Airport sa Pampanga kini manukad.

Gibuksan sa kagamhanan sa lalawigan sa Sugbo ang tourism activities niini niadtong Hulyo 2020 aron matabangan ang mga Sugboanon nga makabangon sa nasinati nga krisis tungod sa pandemiya sa nasod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph