Palma: Hulga sa Covid-19 wala makapugong sa dakong piyesta

Archbishop Jose Palma. (File photo)
Archbishop Jose Palma. (File photo)

ANG padayong hulga sa pandemiya sa Covid-19 wala makapugong sa mga Katolikong magtutuo sa pagselebrar sa Easter, ang labing dakong piyesta sa Simbahang Romano Katoliko sa tibuok kalibotan.

Usa kini sa mga mensahe ni Cebu Archbishop Jose Palma sa iyang Easter homily atol sa Easter mass sa Cebu Metropolitan Cathedral kagahapon, Abril 4, 2021.

Ang Easter Sunday, matod sa Simbahang Katoliko, timaan nga nahuman na ang Semana Santa ug Kuwaresma. Kini usab nagpasabot nga nagsugod na ang Easter season sa liturhikanhong tuig.

“The Covid-19 that has claim thousands of lives and robbed the hope and enthusiasm of many of our brothers and sisters and the various difficulties and struggles of many, should not hinder our joy in celebrating the resurrection of our Lord and the celebration of the 500 Years of Christianity (YoC) in our country,” tipik sa wali ni Palma.

Iya usab giawhag ang mga magtutuo sa pagtan-aw niini isip usa ka hagit ug pagdapit aron pagpaambit sa kalipay nga dala sa duha ka selebrasyon pinaagi sa pagpaambit sa ilang grasya ug talento ngadto sa uban.

Gibalik usab pagpasabot ni Palma nga bisan pa man walay tradisyonal nga presentasyon sa Sugat karon tungod sa pandemiya, ang selebrasyon sa Easter.

Dugang niya nga mahinungdanon gihapon tungod kay anang adlawa gipahigayon usab ang pag-abli sa Holy Door sa Cebu Metropolitan Cathedral ug sa ubang pilgrim churches sa tibuok Archdiocese sa Sugbo ug ang pormal nga paglusad sa Year of Grace kun Tuig sa Grasya sa Simbahang Romano Katoliko sa nasod. (WBS)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph