Ang pagpugong sa kadagkuan sa Department of Health (DOH) ug sa Food and Drugs Administration (FDA) sa tambal nga magamit sa dunay simtoma sa Covid-19 ug maminosan unta ang mahospital, nga karon nagsuwak na ang mga pasyente sa Metro Manila ug silinganan nga probinsya, maoy punto ni komentarista Raffy Tulfo sa iyang paglaba sa mga ospisyales sa DOH ug FDA tungod sa halawom nga rason.
Ang Lianhua Qingwen Jiaoang, herbal nga kapsula nga binuhat sa Tsina, bag-o ra naaprobrahan sa DOH ug FDA dihang miinterbener ang Malakanyang tungod kay napruybahan sa Tsina nga makaayo kini sa dunay simtoma sa coronavirus. Matud pa ni Tulfo, ang gipagamit sa DOH ug FDA ang medisina nga haskang mahala, nga balor P18,000 ang usa ka gamit.
Ang DOH ug FDA way nahimo ug igo na lang nga mitoman sa orden sa Malacanang. Gani, miduyog pa ang DOH ug FDA sa embahada sa Tsina sa Manila sa pagpalambo sa Lianhua dinhi sa atong nasud. Ang wa mahibaw-i o posible nga nagpakabuta-bungol lang ang taga DOH ug FDA, nga sa miaging tuig pa apan hilom lang nga giinom ang Lianhua sa atong kaigsuonan nga dunay simtoma sa Covid-19. P25 ra ang matag kapsula.
Ang Invermectin, lain tambal nga dugay na nga giimbento batok sa mga parasite o virus, gigamit sa usa ka intelehente nga Filipino nga doktor sa iyang mga pasyente nga positibo sa coronavirus. Napruybahan kini nga makaayo batok sa Covid-19. Apan gipugngan sa DOH ug FDA ang paggamit sa Invermectin. Gani, gihulga pa ang doktor nga mapasakaan og kaso kon iyang ipadayon ang paggamit sa Invermectin. Tuod man, ngan nga usa ka professional, ang doktor mituman sa mando sa DOH ug FDA. Maabot ra ang presyo sa Invermectin sa atong kaigsoonan, labina sa mga nagkalisod ang kahimtang.
Ang kadtong gitawag nga mild ug symptomatic ra ang kaso sa Covid-19 di na unta angay nga isulod sa hospital aron dili mapuno sa mga pasyente. Mahimo nga adto ra sila sa ilang panimalay pagpaayo ug motomar sa Lianhua o di ba Invermectin ubos sa pagdumala sa doktor. Karon, ang mga hospital sa Metro Manila mobalibad na og pasyente sa Covid-19. Pagkaluoy natong mga pobre!
Niadtong Domingo, Abril 4, dunay 11,028 nga natala nga bag-o nga kaso sa Covid-19 ug miabot na sa 795,051 ang aktibo nga kaso sa Covid-19 sa tibuok nasud. Pung pa ni Tulfo ang pangurakot sa DOH ug FDA maoy usa ka rason nganong naproblema og maayo ang atong kagamhanan. Gani, giawhag niTulfo si Health Secretary Francisco T. Duque ug FDA Chief Eric Domingo nga moluwat na sa ilang katungdanan tungod sa ilang kapalpakan sa problema sa Covid-19. Si Presidente Duterte maoy nagtudlo kanila sa ilang katungdanan.
Gipugngan ni Presidente Duterte ang awhag sa mga senador nga paundangon si Health Secretary Duque tungod sa daghan nga dili maayo nga isyu batok kaniya.