USA ka locally stranded individual (LSI) ug 64 ka mga residente sa Cagayan de Oro ang mipositibo sa novel coronavirus sulod sa upat ka adlaw, sumala sa report sa City Health Office Lunes, Abril 5.
Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 4,200.
Sumala ni Acting City Health Officer Dr. Lorraine Nery, sa 64 ka mga bag-ong lokal nga mga kaso, 28 ang mga close contacts sa mga pasyenteng nagpositibo sa coronavirus, pito ang mga lokal authorized persons outside residence (Apors), ug 29 ang mga local index nga mga kaso.
Sa 4,200 nga kinatibuk-ang kaso sa Covid-19 sa syudad, 430 ang mga returning overseas Filipino workers/locally stranded individuals (ROFs/LSIs) ug 3,770 ang mga local transmissions.
Ang Cagayan de Oro adunay 188 ka mga active cases, 43 niini na-admit sa Northern Mindanao Medical Center ug uban pang mga ospital sa syudad, 140 ang mga outpatients, ug lima ang mga ROFs/LSIs.
Nakatala usab og 24 ka mga Covid-positive nga mga kaso nga karon naka-recover. Anaa na karon sa 3,813 ang ihap sa mga nakarekober nga mga kaso sa dakbayan.
Sa maong numero, 303 ang mga LSIs, 121 ang mga ROFs, ug 3,389 ang mga lokal nga kaso.
Ang recovery rate sa Cagayan de Oro anaa na sa 90.78 percent.
Ang ihap sa mga namatay sa Covid-19 sa syudad naa sa 199.