Manila--Nibiya na ning kalibutan ang singer nga si Claire dela Fuente nga nagpasikat sa kantang “Sayang.” Bugnaw kaayo ang tingog ni Claire nga gitawag pang Karen Carpenter of the Philippines kaniadtong nagsugod pa siya.
Matawag kong suwerte ako tungod kay na-exclusive ko kaniadto ang last pictorial ni Claire kauban si Pilita Corrales ug Eva Eugenio nga gipahigayon sa iyang mansion sa may Parañaque.
Nagpasalamat ako sa designer nga si Edwin Rosas Visda tungod kay siya ang nag-invite nako tungod kay mga gowns niya ang gipangsuot ni Pilita ug Eva. Si Claire, daghan kaayong gowns kaya gowns niya ang iyang gigamit.
Ang maong pictorial gamiton para sa publisidad sa series of shows nila sa America ug sa mga concerts nila sa Pilipinas nga ang title “Divas of All Seasons.” January 2020 gipahigayon ang pictorial pero ni usang concert way nahinayon tungod kay nag-lockdown na kaniadtong March 15, 2020.
Namatikdan ko nga medyo paikaika nang molakaw si Claire, tapos parang hinahabol niya ang iyang hininga.
Samtang si Pilita Corrales nga mas senior kang Claire, lagsik pa kaayo, ug ang legs, haskang hamisa pa (nasulat ko kini dinhi sa Super kaniadto).
Si Eva naman, nananatiling petite although obvious nga may pinagawa siya sa iyang nawong.
Samtang gipahigayon ang pictorial, daghang mga bata ang gadagan-dagan ug nagsiyaget. Mga apo siguro yun ni Claire.
Halata nga metikuloso si Claire kay kada kiblat sa camera, iyang tan-awon kung okey ba ang iyang hitsura sa camera.
Human sa pictorial, nag-meryenda kami ug parang catering pa ang set-up. Nasilip ko ang kusina ni Claire nga may pipila ka staff, super dako, parang usa ka balay na.
Definitely, mansion ang balay ni Claire. Di ko pa na-explore ang second floor pero sa first floor pa lang, grabe, halatang mahalon ang mga muwebles.
Makahinuklog lang paladungon nga bisan unsa siya kaadunahan, nag-antos siya sa tent sa usa ka ospital hangtod sa naputlan na siya og gininhawa--gumikan kuno sa Covid-19 pero saksi ako nga kaniadto pa man, may gimulo na si Claire sa iyang lawas.
Gumikan sa Covid-19 kuno ang iyang gikamatyan matod sa mga doktor, nag-desisyon ang mga anak ni Claire nga ipa-cremate siya kaniadtong March 31, usa ka adlaw after her death.
Matan-aw sa Dear Tito Timmy Page ang video ko sa tulo samtang nagmeryenda nga kapin sa 600k na ang views ug makita sad kini sa Timmy Basil sa YouTube.
Rest in peace, Miss Claire dela Fuente.